საქართველოს სახელმწიფო საზღვრის უკანონოდ გადაკვეთის ბრალდებით, შინაგან საქმეთა სამინისტრომ აზერბაიჯანის რესპუბლიკის მოქალაქე დააკავა.
უწყების ცნობით, 1991 წელს დაბადებულმა მამაკაცმა სასაზღვრო-საკონტროლო გამტარი პუნქტის გვერდის ავლით, აზერბაიჯანის რესპუბლიკიდან საქართველოს მიმართულებით, უკანონოდ გადმოკვეთა საქართველოს სახელმწიფო საზღვარი.
ამირ ა. სამართალდამცავებმა წითელი ხიდის მონაკვეთზე დააკავეს.
გამოძიება საქართველოს სახელმწიფო საზღვრის უკანონოდ გადაკვეთის ფაქტზე, სისხლის სამართლის კოდექსის 344-ე მუხლის პირველი ნაწილით მიმდინარეობს.
