ანტალიაში დანაშაულებრივი ჯგუფი დააკავეს, რომლის წევრებიც ქალაქში ავტომობილებსა და ბინებს ძარცვავდნენ.
არსებული ინფორმაციით, დაკავებულთა შორის საქართველოს მოქალაქეები არიან,- ინფორმაციას ამის შესახებ საზოგადოებრივი მაუწყებელი ავრცელებს.
როგორც ირკვევა, დაჯგუფების წევრები ნიღბებით მოქმედებდნენ.
დაკავების ოპერაცია ანტალიის პოლიციამ განახორციელა, ეჭვმიტანილთა იდენტიფიცირება სათვალთვალო კამერების გამოყენებით შეძლეს.
გავრცელებული ინფორმაციით, დაკავებულთა საცხოვრებელი ბინიდან ამოღებულია მობილური ტელეფონები, კომპიუტერები და ძვირფასი ნივთები.
