ირანი თავისი ბირთვულ პროგრამის ირგვლივ მსოფლიოს სახელმწიფოებთან მოლაპარაკებებს აგვისტოს ბოლოს ან სექტემბრის დასაწყისში განაახლებს. ეს განცხადება თეირანში გამართულ პრესკონფერენციაზე ირანის პრეზიდენტმა მაჰმუდ აჰმადინეჯადმა გააკეთა. მისი აზრით, მოლაპარაკებათა პროცესის განახლების უმთავრესი პირობა მისი მონაწილეების გულწრფელობა და მათი პოზიციების გამჭვირვალობაა.
"ჩვენი მოწინააღმდეგეების მხრიდან გვინდა მოვისმინოთ მკაფიო და გულწრფელი პასუხები იმ კითხვებზე, რომელიც მათ წინაშე ირანმა ადრე დააყენა", _ განაცხადა აჰმადინეჯადმა და ხაზგასმით აღნიშნა, რომ ირანი მზადაა მოლაპარაკებათა მაგიდას მხოლოდ იმ შემთხვევაში დაუბრუნდეს, თუკი დაინტერესებული მხარეები სამ პირობას შეასრულებენ.
პირველ პირობად ირანის პრეზიდენტი ასახელებს: ჩვენ მოვითხოვთ, რომ მოლაპარაკებათა მონაწილეებმა გააკეთონ განცხადება ისრაელის ბირთვული იარაღის საკითხთან დაკავშირებით. ირანი სხვა და სხვა მეთოდებით მოლაპარაკებებს გამართავს იმ ქვეყნებთან, რომლებიც მხარს უჭერენ ისრაელის მიერ ბირთვული იარაღის გამოყენებას და რომლებიც ამა მხარს არ უჭერენ".
მეორე პირობა რომელსაც ირანი მოლაპარაკებათა ყველ მონაწილეს უყენებს არის: "რაც შეიძლება მკაფიოდ გააკეთონ განცხადება მათი პასუხისმგებლობის შესახებ ბირთვული იარაღის გაუვრცელებლობის შეთანხმებასთან დაკავშირებით".
ირანის მიერ წამოყენებული მესამე პირობაა: "მოლაპარაკებათა პროცესის მონაწილეებმა გააკეთონ განცხადება იმის შესახებ, თუ ზოგადად რას ელიან მოლაპარაკებებისგან: მათ უნდათ გახდნენ ირანის მტრები თუ მეგობრები", _ აცხადებს მაჰმუდ აჰმადინეჯადი.
ამას გარდა, აჰმადინეჯადი ასევე გამოდის განცხადებით იმის შესახებ, რომ მოლაპარაკებათა პროცესის მონაწილეთა რაოდენობა გაიზარდოს და აღნიშნავს, რომ ჯგუფი "ხუთს პლიუს ერთი" (გაეროს უშიშროების საბჭოს ხუთი მუდმივი წევრი და გერმანია) მოლაპარაკებებში ირანის ერთადერთი პარტნიორები როდი არიან.
"მოლაპარაკებათა პროცესში სხვა მონაწილეებიც არიან. კონსულტაციებში უნდა ჩაერთონ ბრაზილია და თურქეთი, რომლებმაც ბოლო დროის განმავლობაში მნიშვნელოვანი ძალისხმევა გასწიეს ირანის ბირთვული პროგრამის დარეგულირების საკითხში.
