ვნახე რგოლიდან ამოჭრილი სქრინშოთები და ამაში განსაკუთრებული არაფერია, - ამის შესახებ იუსტიციის მინისტრმა, თეა წულუკიანმა Birja Mafia-ს წევრების გირაოს სანაცვლოდ გათავისუფლებაზე საუბრისას განაცხადა.
მისი თქმით, უხარია, რომ მოსამართლის და პროკურატურის აზრები ერთმანეთს დაემთხვა.
"როგორც რიგითი მოქალაქე მიხარია, რომ მოსამართლის და პროკურატურის აზრები ერთმანეთს დაემთხვა და მიიღეს ობიექტური გადაწყვეტილება. რაც შეეხება ვიდეო რგოლს, ვნახე რგოლიდან ამოჭრილი სქრინშოთები და ამაში განსაკუთრებული არაფერია. ჩვენი თანამშრომლების ვალია წარმოდგენა შევუცვალოთ ახალგაზრდებს ჩვენზე",- განაცხადა თეა წულუკიანმა, რომელმაც აქვე აღნიშნა, რომ ნარკოპოლიტიკაზე კანონპროექტის განხილვა დაჩქარებულ რეჟიმში მიდინარეობს.
