„გამოძიების დაწყების საკითხის გადაწყვეტასთან ერთად ყველა შესაბამის საგამოძიებო მოქმედებას გავატარებთ. არ გამოვრიცხავთ, რომ მანამდე პოლიციელებსაც გავესაუბროთ”, - ამის შესახებ პროკურორმა დავით გუმბერიძემ „ბირჟა მაფიის“ დაკავებულ წევრებთან გასაუბრების შემდეგ განაცხადა.
მისივე განმარტებით, დღეს მიღებული ინფორმაცია შეჯამდება და ამის შემდეგ მიიღებს პროკურატურა გადაწყვეტილებას.
„ჩვენ მიერ გამოიკითხა ორივე ბრალდებული, მგალობლიშვილი და ქებურია. მათ მოგვაწოდეს ინფორმაცია დაკავებასთან დაკავშირებით. კონკრეტულად მიგვითითებდნენ იმ სამართალდარღვებზე, რაზეც ადვოკატები და თავად აპელირებდნენ სასამართლო პროცესზე. რა თქმა უნდა, ჩვენი მხრიდან სრულად იქნა ასახული ეს ინფორმაცია, გადავხედავთ ყველა ამ დეტალს და ამის შემდეგ მივიღებთ კანონის შესაბამის გადაწყვეტილებას გამოძიების დაწყებასთან დაკავშირებით",-განმარტა დავით გუმბერიძემ.
