საარჩევნო სისტემის შეცვლის შესახებ გადაწყვეტილება პარლამენტის შენობაში არ მიიღება, - ამის შესახებ „ევროპული საქართველოს“ წევრმა ირაკლი აბესაძემ მაჟორიტარული სისტემის ცვლილებასთან დაკავშირებით საუბრისას განაცხადა.
მისი თქმით, დღეს საუბარი მაჟორიტარული სისტემის შენარჩუნებაზე, კიდევ ერთხელ ხაზს უსვამს, რომ მათ მიერ შემოთავაზებული თითქოს სამართლიანი პროპორციული საარჩევნო სისტემა რეალურად ითვალისწინებდა შესაძლებლობას, მითვისებული ყოფილიყო ხელისუფლება მცირე საარჩევნო მხარდაჭერის მქონე პოლიტიკური პარტიის მიერ.
"გადაწყვეტილება საარჩევნო სისტემის შეცვლის შესახებ არ მიიღება პარლამენტის შენობაში და იმ საპარალამენტო უმრავლესობის მიერ, რომელიც დღეს განცხადებებს აკეთებს. გადაწყვეტილებას, ხელისუფლების არჩევნებით გადაბარების თეორიული შესაძლებლობა გააჩინოს, იღებს ივანიშვილი. აქედან გამომდინარე, დღეს საუბარი მაჟორიტარული სისტემის შენარჩუნებაზე, კიდევ ერთხელ ხაზს უსვამს, რომ მათ მიერ შემოთავაზებული თითქოს სამართლიანი პროპორციული საარჩევნო სისტემა რეალურად ითვალისწინებდა შესაძლებლობას, მითვისებული ყოფილიყო ხელისუფლება მცირე საარჩევნო მხარდაჭერის მქონე პოლიტიკური პარტიის მიერ", - განაცხადა ირაკლი აბესაძემ.
