ხელისუფლების განცხადებები ნიშნავს იმას, რომ ხელისუფლება ან შეგნებულად დუმს, ან თანამონაწილეა აღნიშნული საშინელი ფაქტის, - ამის შესახებ "თავისუფალი დემოკრატების" წევრმა, ნინო გოგუაძემ გადაცემა "რეაქციაში" განაცხადა.
მისი თქმით, საქართველოს ადამიანის უფლებების დაცვის თვალსაზრისით აღებული აქვს ევროპული კონვენციით აღებული ვალდებულებები და საქართველოს კონსტიტუციის 47-ე მუხლი პირდაპირ ამბობს, რომ დაუშვებელია ადამიანის გატაცება იმ სხვა სახელმწიფოსთვის, თუ ის იდევნება პოლიტიკური მრწამსის გამო, ან არ ჩაუდენია ისეთი ქმედება რაც საქართველოს კანონმდებლობით არ არის დასჯადი.
"ძალიან შემაშფოთებელია ეს ფაქტი და შემაშფოთებელია ის, რომ 4 დღის განმავლობაში არ აღმოჩნდა ხელისუფლების არც ერთი წევრი, არც ერთი მინისტრი, არც ერთი დეპუტატი, რომელიც უბრალოდ ადამიანურ წუხილს გამოხატავდა მომხდარი ფაქტის გამო და თანადგომას გამოუცხადებდა ამ ადამიანს და მის მეუღლეს. საქართველოში ის იყო სტუმარი, მეტიც ის იყო ხიზანი და საქართველოს ხელისუფლებას მან ანდო თავისი სიცოცხლე და თავისი ოჯახის დაცვა. ის, რომ საქართველოს ხელისუფლებას ადანაშაულებს მის გატაცებაში ეს არის ძალიან დიდი ტრაგედია. მთავარი აქ არის ღირსება და მორალი, რომელიც ჩვენმა ხელისუფლებამ არ და ვერ გამოიჩინა. ხელისუფლების განცხადებები ნიშნავს იმას, რომ ხელისუფლება ან შეგნებულად დუმს, ან თანამონაწილეა აღნიშნული საშინელი ფაქტის. საქართველოს ადამიანის უფლებების დაცვის თვალსაზრისით აღებული აქვს ევროპული კონვენციით აღებული ვალდებულებები და საქართველოს კონსტიტუციის 47-ე მუხლი პირდაპირ ამბობს, რომ დაუშვებელია ადამიანის გატაცება იმ სხვა სახელმწიფოსთვის, თუ ის იდევნება პოლიტიკური მრწამსის გამო, ან არ ჩაუდენია ისეთი ქმედება რაც საქართველოს კანონმდებლობით არ არის დასჯადი", - აღნიშნა ნინო გოგუაძემ.
