საზეიმო ვითარებაში აღინიშნება ბავშვთა დაცვის დღე მ.იაშვილის სახელობის ბავშვთა ცენტრალურ საავადმყოფოსა და ი. ციციშვილის სახელობის ბავშვთა ახალ კლინიკაში. პატარა პაციენტებს სიურპრიზებს ცნობილი ადამიანები და ზღაპრის გმირების კოსტიუმებში გამოწყობილი ანიმატორები უწყობენ. ორივე კლინიკის 500-ზე მეტ პაციენტს საჩუქრები და მხატვრული ლიტერატურა გადაეცათ. იაშვილისა და ციციშვილის კლინიკებში პაციენტების გართობა დღეს მთელი დღის განმავლობაში გაგრძელდება.
