მე ვფიქრობდი და მიმაჩნდა, რომ საქართველოს მისწრაფებები ჰქონდა ევროპულ ხედვებთან და იდეებთან, - ამის შესახებ დაკავებული აზერბაიჯანელი ჟურნალისტის, აფგან მუხთარლის მეუღლე ლეილა მუსტაფაევამ მთავრობის ადმინისტრაციასთან გამართულ აქციაზე განაცხადა.
მისი განცხადებით, აღმოჩნდა, რომ საქართველოში სიტყვისა და გამოხატვის თავისუფლება დარღვეულია.
"მე ვფიქრობდი და მიმაჩნდა, რომ საქართველოს მისწრაფებები ჰქონდა ევროპულ ხედვებთან და იდეებთან, თუმცა აღმოჩნდა, რომ აქ სიტყვისა და გამოხატვის თავისუფლება დარღვეულია. მე ხელში ჩემი მეუღლის საბუთები მიკავია და მაინტერსებს, თუ როგორ გადაკვეთა მან საქართველო-აზერბაიჯანის საზღვარი საბუთების გარეშე", - აღნიშნა მან.
ცნობისთვის, სოლიდარობა აფგან მუხთარლის! - ამ ლოზუნგით საქართველოს მთავრობის კანცელარიასთან საპროტესტო აქცია მიმდინარებს.
ჟურნალისტები, პოლიტიკოსები და სამოქალაქო საზოგადოების წევრები საქართველოს მთავრობისგან განმარტებებს მოითხოვენ.
შეგახსენებთ, აზერბაიჯანელი ჟურნალისტი არსებული ინფორმაციით, თბილისიდან გაიტაცეს და იგი ბაქოშია დაპატიმრებული.
ჯერჯერობით უცნობია, როგორ მოხდა მისი საზღვარზე გადაყვანა.
თბილისში გაუჩინარებული აზერბაიჯანელი ჟურნალისტის თქმით, ის აზერბაიჯანის მხარეს საქართველოს უშიშროების ძალებმა გადასცეს.
