გაუჩინარებული აზერბაიჯანელი ჟურნალისტის, აფგან მუხტარლის მეგობრები და მეუღლე ვარაუდობენ, რომ აფგან მუხტარლი აზერბაიჯანულმა სპეცსამსახურებმა გაიტაცეს. ამის შესახებ მათ პრესკონფერენციაზე განაცხადეს.
გაუჩინარებული ჟურნალისტის ერთ-ერთმა მეგობარმა, დაშგინ აღალარლიმ განაცხადა, აფგან მუხტარლი საქართველოში მუშაობდა საგამოძიებო მასალაზე, რომელიც აზერბაიჯანის პრეზიდენტ ილჰამ ალიევის ქონებას ეხებოდა, როგორც საქართველოში, ასევე ოფშორულ ზონებში.
როგორც მან აღნიშნა, მას არ უნდა იფიქროს, რომ ამაში საქართველოს სპეცსამსახურებიც არიან ჩართული, თუმცა აღნიშნა, რომ საეჭვო იყო, მათ ვერ შეემჩნიათ ეს ყველაფერი.
”ის ძალიან აქტიური ჟურნალისტი იყო და სავარაუდოდ აზერბაიჯანის ხელისუფლებამ მასში საფრთხე დაინახა.
მას რომ რაიმე დაემართოს, ეს იქნება საერთაშორისო სკანდალი და ამაში დამნაშავე იქნება საქქრთველოს მთავრობაც”,- აღნიშნეს ჟურნალისტის მეგობრებმა.
გაუჩინარებული ჟურნალისტის მეუღლე, ლეილა მუსტაფაევას თქმით კი, მის მეუღლეს უთვალთვალებდნენ.
აფგან მუხტარლის მეგობრებმა და მეუღლემ ისიც აღნიშნა, რომ კომპანია ”სოკარში” არიან ადამიანები, რომლებიც მას უთვალთვალებდნენ.
