შინაგან საქმეთა სამინისტრო განცხადებას ავრცელებს.
როგორც განცხადებაში წერია, პოლიციელის პროფესიული დღისადმი მიძღვნილ საზეიმო ღონისძიებასთან დაკავშირებით, თბილისის რამდენიმე ქუჩაზე ავტომობილით გადაადგილება შეიზღუდება.
"შსს-ს საპატრულო პოლიციის დეპარტამენტი გაცნობებთ, რომ პოლიციელის პროფესიული დღისადმი მიძღვნილ საზეიმო ღონისძიებასთან დაკავშირებით, თბილისში, მიტროფანე ლაღიძისა და ნოე რამიშვილის ქუჩებზე, ასევე, კახეთის გზატკეცილზე - ე.წ. ჯავახეთის ხიდებიდან მეტროსადგურ „სამგორამდე“, ავტომანქანების გადაადგილება აიკრძალება:
30 მაისს, 15:00 საათიდან 18:00 საათამდე;
31 მაისს, 09:00 საათიდან 14:00 საათამდე, ღონისძიების დასრულებამდე", - ნათქვამია განცხადებაში.
