ასეთი საკითხი ჯერ განხილვას არ ექვემდებარება, - ამის შესახებ უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძემ ლევან მურუსიძის უვადოდ გამწესებაზე საუბრისას ჟურნალისტებს განუცხადა.
მისი თქმით, საკითხი იუსტიციის საბჭოზე გადადებულია.
"თქვენ იცით რომ იუსტიციის საბჭოზე საკითხი არის გადადებული. ასეთი საკითხი ჯერ განხილვას არ ექვემდებარება", - განაცხადა ნინო გვენეტაძემ.
ცნობისთვის, ლევან მურუსიძის უვადოდ გამწესების შესახებ საკითხის განხილვა იუსტიციის საბჭოში 1 მაისს ერთხელ უკვე გადაიდო.
