პარლამენტის ბიუროს სხდომაზე პარლამენტოს თავმჯდომარე დავით ბაქრაძე აშშ-ის ადმინისტრაციის მიერ გაკეთებულ განცხადებას გამოეხმაურა და განაცხადა, რომ როდესაც თეთრი სახლი იყენებს სიტყვა ოკუპაციას, ეს მნიშვნლოვანი ფაქტია, რადგან ამით თეთრმა სახლმა ხაზი გაუსვა, რომ ცნობს საქართველოს სუვერენიტეტს და რომ წართმეული ტერიტორიები საქართველოს უნდა დაუბრუნდეს და მოხდეს დეოკუპაცია.
"ამერიკის ადმინისტრაციამ ოფიციალურად გამოიყენა სიტყვა ოკუპაცია და ყველას კარგად უნდა ესმოდეს ამ ტერმინის გამოყენების არსი. დღეს რუსეთი ცდილობს რომ წაიყვანოს საქმე იქითკენ, თითქოს ეს არის ორი ქვეყანა. ოკუპაცია არ ნიშნავს იმას, რომ პროცესები დასრულდა, არამედ ამერიკის მხრიდან გამოყენებული სიტყვა ოკუპაცია ნიშნავს იმას, რომ საქართველოს უნდა დაუბრუნდეს წართმეული ტერიტორიები. ქვეყანა დატოვოს რუსეთის შეიარაღბეულმა ძალებმა და მოხდეს ქვეყნის დეოკუპაცია. როდესაც ამერიკამ სიტყვა ოკუპაცია გამოიყენა ავღანეთთან მიმართებაში ყველამ კარგად დაინახა, რომ ჯარები ავღანეთიდნა გავიდნენ, ეს არ არის მხოლოდ ლინგვისტური დატვირთვის სიტყვა ეს ნიშნავს იმას, რომ რუსეთის ჯარებმა საქართველო უნდა დატოვოს", - განაცხადა ბიურის სხდომაზე ბაქრაძემ.
როგორც პარლამენტის თავმჯდომარე განმარტავს, საქართველომ აქტიური მუშაობა უნდა გაგარძელოს თავის პარტნიორებთან, რადგან თეთრი სახლის პოზიცია მკაფიოა.
"ამერიკის შეერთებული შტატები არ ვაჭრობს საკუთარი ღირებიულებებით და არ თმობს საკუთარ ღირებულებებს, მაშინაც კი როდესაც "გადატვირთვა" მოხდა", - განაცხადა ბაქრაძემ.
