25 მაისს, 11:00 საათზე მთავრობის ადმინისტრაციის შენობაში საქართველოს სოლიდარობის ფონდსა და კომპანია IDS ბორჯომი საქართველოს შორის ურთიერთთანამშრომლობის მემორანდუმს მოეწერება ხელი.
მოგეხსენებათ, წელს, საქართველოს დამოუკიდებლობის დღე 26 მაისი ვეფხისტყაოსნის თემატიკით დატვირთული სხვადასხვა სახის ღონისძიებით აღინიშნება. შოთა რუსთაველის დაბადებიდან 850 წლის იუბილეს აღსანიშნავად, ლოზუნგით - „მე რუსთაველის ქვეყნიდან ვარ“, ღონისძიებები თბილისში და მთელი საქართველოს მასშტაბით გაიმართება.
სწორედ ამ დღესთან დაკავშირებით “სოლიდარობის ფონდი” კომპანია IDS ბორჯომი საქართველოსთან ერთად წარმოგიდგენთ ვეფხისტყაოსნის თემატიკაზე შექმნილი აქსესუარების საქველმოქმედო გამოფენა - გაყიდვას. შემოსული თანხა გადაირიცხება „სოლიდარობის ფონდში" სიმსივნით დაავადებული ბავშვებისა და 21 წლის ასაკის ჩათვლით ახალგაზრდების დასახმარებლად.
