რუსეთისა და აშშ-ს პრეზიდენტების შეხვედრის შემდეგ აუდიენციის დეტალებზე განცხადებას თეთრი სახლი ავრცელებს. "ოკუპირებული ქართული ტერიტორიები" _ ეს არის ტერმინი რომელიც აფხაზეთსა და ე.წ. სამხრეთ ოსეთზე საუბრის დროს ვაშინგტონმა გამოიყენა.
ფრაზა, რომელიც მოსკოვს ყველაზე მეტად აღიზიანებს ვაშინგტონის მიერ გამოქვეყნებულ ოფიციალურ დოკუმენტში მოხვდა.
"კიდევ ერთხელ მოვუწოდებთ რუსეთს შეწყვიტოს საქართველოს ტერიტორიების _ აფხაზეთისა და ე.წ. სამხრეთ ოსეთის ოკუპაცია. ჩვენ ვმუშაობთ რუსეთის მთავრობასთან რათა შეწყვიტოს რეგიონში სამხედრო ესკალაცია. ჩვენ დავინახეთ ნდობის გამყარების ნაბიჯები, როგორიცაა ზემო ლარსის სასაზღვრო პუნქტის გახსნა და ორ ქვეყანას შორის საჰაერო მიმოსვლის აღდგენა", _ ნათქვამია თეთრი სახლის მიერ გავრცელებულ ოფიციალურ განცხადებაში.
