თბილისის საქალაქო სასამართლომ ბუდაპეშტის ქუჩაზე მომხდარ მკვლელობის ფაქტზე ორ ბრალდებულს აღმკვეთის ღონისძიების სახით პატიმრობა შეუფარდა.
გამოძიების ინფორმაციით, 77 წლის მოხუცს შვილიშვილმა და მისმა მეგობარმა სასიკვდილო ჭრილობები ცივი იარაღით მიაყენეს, კვალის დაფარვის მიზნით, კი ბინაში ხანძარი გააჩინეს. ბრალდება მკვლელობის მოტივად ანგარებას ასახელებს.
საქმეზე გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებაში ჩადენილ განზრახ მკვლელობას გულისხმობს.
რაც შეეხება ბრალდებულების ერთ-ერთი ადვოკატის განცხადებას, გიორგი ბერიძის თქმით, დაცვის მხარეს კითხვები აქვს უშუალოდ საგამოძიებო პროცედურებთან დაკავშირებით.
საქმის პროკურორის ინა გუგუშვილის განცხადებით კი, მტკიცებულების სახით არსებობს მიმოწერა, სადაც ჩანს, რომ ბრალდებულები 77 წლის მამაკაცის მკვლელობას გეგმავდნენ.
აღნიშნულ საქმესთან დაკავშირებით მომდევნო სასამართლო პროცესი 3 ივლისს გაიმართება.
