ეს არ არის ჩემი გამარჯვება, ეს არის საქართველოს გამარჯვება, - ასე გამოეხმაურა მსოფლიო ტურიზმის ორგანიზაციის ხელმძღვანელი ზურაბ პოლოლიკაშვილი აღნიშნულ თანამდებობაზე მისი არჩევის ფაქტს.
"ძალიან მნიშვნელოვანი დღეა, ეს არ არის ჩემი გამარჯვება, ეს არის საქართველოს გამარჯვება. კიდევ ერთხელ დადასტურდა, რომ საქართველო არის ერთ-ერთი ყველაზე პოტენციური და მიმზიდველი ქვეყანა ტურიზმის სფეროში. ძალიან ბევრ ადამიანს მინდა გადავუხადო დიდი მადლობა პრემიერ-მინისტრის და უწმინდესის მეთაურობით. ძალიან ემოციური დღე იყო და მინდა მივულოცო მთელ ქვეყანას”, - განაცხადა ზურაბ პოლოლიკაშვილმა.
ცნობისთვის, ესპანეთის სამეფოში საქართველოს საგანგებო და სრულუფლებიანი ელჩი, ტურიზმის მსოფლიო ორგანიზაციასთან საქართველოს მუდმივი წარმომადგენელი, ზურაბ პოლოლიკაშვილი ტურიზმის მსოფლიო ორგანიზაციის გენერალური მდივნის თანამდებობაზე აირჩიეს.
