სასამართლო ციხის 7 ყოფილი თანამშრომლისთვის აღკვეთის ღონისძიების შეფარდებას განიხილავს. ისინი გლდანის მე-8 დაწესებულებაში მუშაობდნენ და ბრალად ედებათ პატიმრების მიმართ არაადამიანური მოპყრობა. პროკურატურა 6 მათგანზე პატიმრობას ითხოვს.
“საქმესთან დაკავშირებით დაკითხულია დაახლოებით 600-მდე პატიმარი. აქ სირთულეს წარმოადგენდა ის გარემოებაც, რომ პატიმართა ნაწილი, რომლებმაც დატოვეს სასჯელაღსრულების დაწესებულების ტერიტორია, არ იმყოფებოდნენ საქართველოში და დაბრუნების შემდგომ მოხდა მათი დაკითხვა. შესაბამისად, უწყვეტი საგამოძიებო მოქმედებების შემდეგ, როგორც კი შეიქმნა კონკრეტულ პირებთან მიმართებაში დასაბუთებული ვარაუდის სტანდარტი, რაც აუცილებელია, ამ პირების მიმართ დაწყებულ იქნა სისხლის სამართლებრივი დევნა,“ - განაცხადა პროკურორმა დავით ნეფარიძემ.
დაკავებულთა დაცვის მხარე აღკვეთის ღონისძიებად გირაოს შეფარდებას მოითხოვს და აქცენტს რამოდენიმე დაკავებულის ჯანმრთელობის მდგომარეობაზე აკეთებს.
