ბათუმის მერიამ მეჩეთის მშენებლობის ნებართვა არ გასცა. შესაბამისი წერილი "მუსლიმთა კავშირმა" დღეს მიიღო.
ბათუმის მერიამ აბაშიძის ქუჩაზე მეჩეთის მშენებლობის ნებართვის გაცემაზე უარი იმ მოტივით დაასაბუთა, რომ ტერიტორია მაღალი ინტენსივობის საცხოვრებელი ზონაა.
მერია მიიჩნევს, რომ განაშენიანება დომინირებული საცხოვრებელი სახლების მშენებლობით უნდა გაგრძელდეს, რომ მეჩეთს განსაკუთრებული ინფრასტრუქტურა სჭირდება.
"მუსლიმთა კავშირი" მერიის უარს სასამართლოში გაასაჩივრებს და ინფორმაციას საერთაშორისო ორგანიზაციებს გადაუგზავნის.
ცნობისთვის, მუსლიმ თემს ტერიტორია უკვე შეძენილი აქვს.
