კომპანია „სილქნეტი“ უარყოფს ,,Express Pay“ -ს ოპერატორის ბრალდებებს, თითქოსდა სწრაფი გადახდების აპარატები „სილქნეტში“ არსებული დაზიანების გამოა გამორთული.
„ჩვენი მხრიდან არანაირი პრობლემა და შეფერხება არ არის“, აცხადებენ „სილქნეტში“.
როგორც ცნობილია, «საქართველოს ბანკის“ ,,Express Pay“ აპარატები გათიშულია. მომხმარებლები აპარატის საშუალებით ტრანზაქციებს ასრულებენ, თუმცა ანგარიშებზე თანხის ასახვა არ ხდება. როგორც ,,ჯი- ეიჩ-ენს“ მომსახურე კომპანიის ცხელ ხაზზე განუცხადეს, შეფერხების მიზეზი გლობალური ხარვეზია.
,,სამწუხაროდ, აპარატები გლობალური ხარვეზის გამო გათიშულა, ამის მიზეზი კი სილქნეტში არსებული დაზიანებაა“, - განაცხადა ოპერატორმა ,,ჯი-ეიჩ-ენთან“ და განმარტა რომ სილქნეტში დაზიანებულია ხაზი, რის გამოც აპარატები არ მუშაობს.
ცხელ ხაზზე ვერ აკონკრეტებენ თუ როდის აღმოიფხვრება ხარვეზი. კომპანია არ იღებს ვალდებულებას წინასწარ გააფრთხილოს მომხმარებელი, ან გამორთოს თანხის ჩარიცხვის მომსახურება აპარატზე.
