თურქეთის მთავრობა ვიკიპედიისგან გადასახადების გადახდას მოითხოვს. საგანგებო განცხადება ტრანსპორტისა და კავშირგაბმულობის მინისტრმა ახმეტ არსლანმა გააკეთა. მისი განმარტებით, თუ ინტერნეტ-ენციკლოპედიას თურქეთის ინტერნეტ-სეგმენტში ნორმალური ფუნქციონირება სურს, საგადასახადო დეკლარაცია უნდა წარმოადგინოს და გადასახადები გადაიხადოს. ამასთან, ინტერნეტ-ენციკლობედიის მიერ გამოქვეყნებული მასალები თურქეთის სახელმწიფოს არ უნდა უქმნიდეს საფრთხეს. ვიკიპედია თურქეთში 29 აპრილიდან არის დაბლოკილი. ამის მიზეზი საიტზე გამოქვეყნებული მასალები გახდა, რომელიც ოფიციალური ანკარის მტკიცებით, თურქეთის დისკრედიტაციას ისახავს მიზნად.
