„ცენტრ პოინტის“ დამფუძნებელ მაია რჩეულიშვილს ახალი ადვოკატები დაიცავენ. გუკა რჩეულიშვილის ინფორმაციით, ადვოკატების შეცვლის მიზეზი საპროცესო შეთანხმებაზე მუშაობაა, მისი თქმით, წინა ადვოკატები სამოქალაქო დავებზე იყვნენ სპეციალიზებულნი.
„დედაჩემის ადვოკატის შეცვლაზე იყო საუბარი დღეს. საპროცესო შეთანხმებაზე ვმუაშაობთ და ჩვენი ადვოკატები, ძირითადად, არიან სამოქალაქო დავის ადვოკატები, საპროცესოში კი იმდენი პუნქტია, რომ ამ საქმეს ახალი ადვოკატები სჭირდებოდა. ჯერ ადრეა საპროცესოს პირობებზე საუბარი, თუმცა ვმუშაობთ ამ თემაზე“, - აღნიშნა გუკა რჩეულიშვილმა.
ახალი ადვოკატების მიერ საქმის მასალების გაცნობის მიზნით, „ცენტრ პოინტის“ საქმეზე დღევანდელი სხდომა, დაცვის მხარის შუამდგომლობით გადაიდო, რასაც პროკურორი პროცესის გაჭიანურების მცდელობად აფასებს. მისივე თქმით, საპროცესო შეთანხმება იმ შემთხვევაში გაფორდმება, თუ დაზარალებულებისთვის ზიანის სრულად ანაზღაურება მოხდება.
საქმის განხილვა 25 მაისს განახლდება.
