რუსთაველის გამზირზე, პარლამენტის შენობის წინ საპროტესტო აქცია დაიწყო. შეკრებილნი არიან “საფინანსო კომპანია საქართველოს” მიერ დაზარალებული მოქალაქეები.
მონაწილეთა თქმით, ისინი მძიმე ფინანსურ მდგომარეობაში არიან და მათ შორის უკვე 12 ადამიანი გარდაიცვალა. კომპანიის მიერ დაზარალებული 2300-ზე მეტი ადამიანის დანაკარგი 72 მილიონს აღწევს.
ამ საქმეზე პარლამენტში შექმნილია სპეციალური კომისია, ასევე განხილვა მიდის სასამართლოშიც, თუმცა დაზარალებულები კმაყოფილნი არ არიან მათი მუშაობით.
