"ნაციონალური მოძრაობა" ტყიბულში მინდელის მაღაროში მომხდარი უბედური შემთხვევის შედეგად გარდაცვლილთა ოჯახებს სამძიმარს უცხადებს.
”ერთიანი ნაციონალური მოძრაობა” მწუხარებას გამოთქვამს ტყიბულის მაღაროში მომხდარი უბედური შემთხვევის შედეგად გარდაცვლილი ოთხი ადამიანის გამო. ვიზიარებთ გარდაცვლილი მეშახტეების ოჯახის წევრების, ახლობლების მწუხარებას და თანადგომას ვუცხადებ მათ”, - წერია პარტიის მიერ გავრცელებულ განცხადებაში.
ცნობისთვის, ტყიბულის მინდელის შახტაში მომხდარი უბედური შემთხვევა მოხდა. არსებული ინფორმაციით, შემთხვევის შედეგად ოთხი ადამიანი დაიღუპა. აღნიშნულთან დაკავშირებით, გამოძიება სსკ 240-ე მუხლით მიმდინარეობს.
