რიყე-ნარიყალას საბაგიროთი მგზავრობა გაძვირდება და მისი ღირებულება 2,5 ლარი იქნება. შესაბამისი გადაწყვეტილება თბილისის საკრებულომ მიიღო.
რიყე-ნარიყალას საბაგიროთი მგზავრობის თანხის გაზრდის პარალელურად, უქმდება სოციალურად დაუცველებისა და სტუდენტებისთვის მანამდე დაწესებული შეღავათები. რაც შეეხება კუს ტბის საბაგიროს, ველოსიპედით გადაადგილების შემთხვევაში, კუს ტბის საბაგიროთი მგზავრობის ღირებულება 1 ლარი იქნება.
ცნობისთვის, რიყე-ნარიყალას საბაგიროთი მგზავრობის გაძვირების საკითხი საკრებულოს სხდომაზე თბილისის მერიის ტრანსპორტის საქალაქო სამსახურის უფროსის მოადგილემ მალხაზ ჯამბურიძემ დააყენა.
