შსს-მ საგზაო უსაფრთხოების კვირეული დაიწყო. შსს გარდა იმ კამპანიებისა, რომელიც უკვე რამდენიმე წელია მოქმედებს, "უსაფრთხოების 10 გაკვეთილი " და "კამპანია შენი გულისთვის, შენი უსაფრთხოებისთვის", რამდენიმე ახალ პროექტსაც იწყებს.
ღონისძიებაზე შსს მინისტრმა გიორგი მღებრიშვილმა კამპანიის მნიშვნელობაზე ისაუბრა. მის თქმით, საგზაო მოძრაობის უსაფრთხოების პროგრამა დასკვნით ფაზაში შედის.
მინისტრის თქმით, კამპანიის მიზანი, საზოგადოების ინფორმირებაა, რათა საგზაო მოძრაობა კიდევ უფრო უსაფრთხო გახდეს.
მისივე განცხადებით, კვირეულის ფარგლებში, საგზაო უსაფრთხოების შესახებ კანონის ამოქმედებამდე, ერთი თვით ადრე საქართველოს მასშტაბით, საინფორმაციო კამპანია აქტიურ სახეს მიიღებს.
"პირველი ივლისიდან ამოქმედდება ცვლილებები, საუკეთესო დასავლური პრაქტიკაზე დაფუძნებული რეგულაციების ნუსხა, რომელიც სხვა მნიშვნელოვან სიახლეებთან ერთად ქულათა სისტემის შემოღებასაც გულისხმობს. ყოველივე ეს ერთობლიობაში დაახლებით ნახევარ წელწადში რეალურ შედეგებამდე მიგვიყვანს." - აცხადებს გიორგი მღებრიშვილი.
დღესვე ღონისძიებაზე, მაღალი სოციალური პასუხისმგებლობისთვის შსს-ს სოციალურ კამპანიაში მონაწილე პირები, მადლობის სიგელით დაჯილდოვდნენ.
