საქართველოს პრეზიდენტის სასახლეში პროექტ „მე და კონსტიტუციის“ ფინალური ეტაპი გაიმართა. აღნიშნული უკვე ორი წელია ხორციელდება და მაღალკლასელ მოსწავლეებში კონსტიტუციის შესახებ ცოდნის ამაღლებას ემსახურება.
კონკურსი მთელი საქართველოს მასშტაბით ჩატარდა და დღეს ერთმანეთს 12 საჯარო სკოლა შეეჯიბრა. პირველ ადგილას გასული გუნდი ბრიუსელში გაემგზავრება.
„კონსტიტუცია არ უნდა იყოს მარტო პოლიტიკური ელიტების, მარტო განსწავლული იურისტების, მარტო ძალიან ჭკვიანი კონსტიტუციონალისტების საქმე. კონსტიტუცია, როგორც ქვეყნის მთავარი დოკუმენტი, რომელიც იწყება სიტყვებით „ჩვენ საქართველოს მოქალაქენი“ და რომელშიც ერთიანდება საქართველოს მთელი მოსახლეობა უნდა იყოს ყოველი ჩვენთაგანის. მე მიხარია, რომ თქვენ ასე დაგაინტერესათ კონსტიტუციამ და ჩაერთეთ ამ კონსკურსში“, - განაცხადა საქართველოს პრეზიდენტმა .
