პირველკლასელთა საყოველთაო ელექტრონული რეგისტრაციის მეორე ეტაპი ხვალიდან დაიწყება.
განათლებისა და მეცნიერების სამინისტროს ინფორმაციით, რეგისტრაცია 9:00 საათიდან ვებგვერდზე- www.registration.emis.ge იქნება შესაძლებელი.
ელექტრონული რეგისტრაცია 2017 წლის 8 მაისიდან - 1 ივნისის ჩათვლით განხორციელდება.
მეორე ეტაპზე რეგისტრირებული მოსწავლის ჩასარიცხად აუცილებელი დოკუმენტების მიღება 2017 წლის 2 ივნისიდან - 15 ივნისის ჩათვლით გაგრძელდება.
