საკონსტიტუციო სასამართლოს მოსამართლემ მანანა კობახიძე არ გამორიცხავს, რომ თუ მედიას სამართლებრივი საკითხების გაშუქებაზე რეგულაციები დაუწესდება, ამის შესახებ დავა საკონსტიტუციო სასამართლოში დაიწყოს, ამის შესახებ მან ტელეკომპანია "იმედს" განუცხადა
როგორც მანანა კობახიძემ განაცხადა, გამოხატვის თავისუფლება ძალიან მნიშვნელოვანია, თუმცა ეს უფლება არის აბსოლუტური. მისივე განცხადებით, გამოხატვის თავისუფლებამ სხვისი პირადი ცხოვრების უფლება და მისი ღირსება არ უნდა შელახოს.
"ნებისმიერი რეგულაცია, რომლის შემოღებასაც დააპირებს პარლამენტი, აუცილებლად უნდა იყოს შესაბამისი კონსტიტუციის ძირითად უფლებებთან. რა თქმა უნდა, გამოხატვის თავისუფლება ძალიან მნიშვნელოვანია, თუმცა იცით რომ არც ეს უფლება არის აბსოლუტური. გამოხატვის თავისუფლებამ სხვისი პირადი ცხოვრების უფლება და მისი ღირსება არ უნდა შელახოს. როდესაც ფაქტების გავრცელებაზე ვსაუბრობთ, არ უნდა მოხდეს ცილისწამება, არ უნდა მოხდეს დანაშაულის დაბრალება და ფაქტების არასწორი გაშუქება ,"- განაცხადა საკონსტიტუციო სასამართლოს მოსამართლემ მანანა კობახიძემ.
