საქართველოს პრეზიდენტი გიორგი მარგველაშვილი დღეს ევროპული სამეზობლო პოლიტიკისა და გაწევრიანების თაობაზე მოლაპარაკებების საკითხებში ევროკომისარ იოჰანეს ჰანს შეხვდა.
მხარეებმა საქართველო-ევროკავშირის თანამშრომლობის მიმართულებები, ვიზალიბერალიზაციის პროცესის წარმატებით დასრულება, ასოცირების შეთანხმების შემდგომი მნიშვნელოვანი ნაბიჯები და თანამშრომლობის კიდევ უფრო გაღრმავების საკითხები განიხილეს.
საქართველოს პრეზიდენტმა ევროკომისარს საქართველოს ინტეგრაციული პროცესებისა და განსაკუთრებით, ვიზალიბერალიზაციის პროცესში მყარი მხარდაჭერისთვის მადლობა გადაუხადა.
შეხვერდრაზე „აღმოსავლეთ პარტნიორობის“ სამიტისთვის მზადების საკითხზე ისაუბრეს, რომელიც ნოემბერში, ბრიუსელშია დაგეგმილი. ევროკომისარმა „აღმოსავლეთ პარტნიორობის“ ფორმატში საქართველოს გამორჩეული როლი ხაზგასმით აღნიშნა.
მხარეებმა იმ საკონსტიტუციო რეფორმების შესახებ ისაუბრეს, რომელიც საკონსტიტუციო კომისიამ მოამზადა. გიორგი მარგველაშვილმა სტუმარს ცვლილებებთან დაკავშირებით, საკუთარი ხედვა გააცნო.
თავის მხრივ, ევროკომისარმა ცვლილებების განხილვის პროცესში ფართო საზოგადოებრივი ჩართულობისა და ფართო კონსენსუსის განხორციელების აუცილებლობაზე ისაუბრა.
