ფილიპინების ლიდერი ამერიკელი კოლეგის მიწვევას გამოეხმაურა. კითხვაზე, მიიღო თუ არა თეთრ სახლში მიწვევა, დუტერტემ ჟურნალისტებს განუცხადა, რომ ამის დრო შესაძლოა არც ჰქონდეს.
„ძალიან დაკავებული ვარ. დაგეგმილი მაქვს ვიზიტები ისრაელსა და რუსეთში. ზუსტად არაფრის თქმა შემიძლია,“-აღნიშნა როდრიგო დუტერტემ.
ობამას ადმინისტრაცია ფილიპინების პრეზიდენტს კრიმინალური დაჯგუფებების წინააღმდეგ ძალის გადაჭარბებულ გამოყენებაში ადანაშაულებდა, რის გამოც დუტერტემ თეთრი სახლის ყოფილი ლიდერი რამდენჯერმე უცენზურო სიტყვებით მოიხსენია და განაცხადა, რომ ამერიკაში არასდროს ჩავიდოდა.
