ვენესუელაში გამართულ საპროტესტო აქციებზე დაღუპულთა რიცხვი 24-მდე გაიზარდა, - ამის შესახებ ინფორმაციას სააგენტო Reuters ავრცელებს.
სააგენტოს ინფორმაციით, ამ დროისთვის, მასშტაბური დემონსტრაციები ქვეყნის დედაქალაქსა და კიდევ 2 მსხვილ ქალაქში მიმდინარეობს.
ცნობისთვის, ვენესუელაში მიმდინარე საპროტესტო აქციების მონაწილეები ვადამდელი არჩევნების დანიშვნასა და დაკავებული ოპოზიციონერი ლიდერების გათავისუფლებას მოითხოვენ.
ოპოზიციური ძალები პრეზიდენტ ნიკოლას მადუროს ქვეყანაში არსებული ეკონომიკური კრიზისის გამწვავებასა და დემოკრატიის ჩახშობაში ადანაშაულებენ. პრეზიდენტი კი, თავის მხრივ, ოპონენტებს სახელმწიფო გადატრიალების მცდელობაში სდებს ბრალს.
