საფრანგეთი პრეზიდენტს ირჩევს. საარჩევნო უბნები ქვეყნის მთელ ტერიტორიაზე უკვე გაიხსნა. არჩევნებში მონაწილეობას 11 კანდიდატი იღებს. წინასაარჩევნო გამოკითხვებით, არჩევნების პირველ ტურში გამარჯვების ყველაზე დიდი შანსი ყოფილ ეკონომიკის მინისტრს, ემანუელ მაკრონს აქვს, მეორე ადგილზე კი ეროვნული ფრონტის ლიდერი მარინ ლე პენია. საპრეზიდენტო არჩევნები 2 ტურად, 23 აპრილსა და 7 მაისს გაიმართება. გახშირებული თავდასხმებისა და ტერორისტული აქტების გამო პარიზსა და ქვეყნის დიდ ქალაქებში უსაფრთხოების ზომები მაქსიმალურად არის გამკაცრებული.
