"ეს შენ გეხება" მოსმენების კანონთან დაკავშირებით სამართლოს სარჩელით დღეს მიმართავს. კამპანიის ფარგლებში სარჩელი უკვე შეიტანა "ევროპულმა საქართველომ".
"ევროპულ საქართველო" კონკრეტულად ასაჩივრებს კანონის იმ ნორმას, რომლითან ოპერატიულ-ტექნიკური სააგენტო სახელმწიფო უსაფრთხოების სამსახურს ექვემდებარება. მიაჩნიათ, რომ იგივე სისტემა იქნა შენარჩუნებული, რომელიც საკონსტიტუციო სასამართლომ უკვე სცნო არაკონსტიტუციურად.
სარჩელი რესპუბლიკელებმაც შეიტანეს. მათ საკონსტიტიციო სასამართლოს კამპანია ეს შენ გეხებას ფარგლებში 20-მდე ინდივიდუალური სარჩელით მიმართეს. მიიჩნევენ, რომ ამ კანონით პირადი ცხოვრების ხელშეუხებლობის ხელყოფა ხდება, რადგან ისეთ ორგანოს რჩება გასაღები, რომელიც სახელმწიფო უსაფრთხოების სამსახურს ექვემდებარება. თამარ კორძაიას თქმით, საამართლომ ეს ნორმა უკვე სცნო არაკონსტიტუციურად. მას აქვს მოლოდინი, რომ ნორმა კვლავ გაუქმდება.
არასამთავრობო ორგანიზაციების განცხადებით, "ეს შეხ გეხებას" კამპანიის ფარგლებში ფარულ საგამოძიებო მოქმედებებთან დაკავშირებული კანონის გასაჩივრება ნებისმიერ მოქალაქეს შეუძლია, ასევე მათ შეუძლიათ სარჩელის მომზადებაში მიიღონ მონაწილეობა, გამოყენოს მათ ხელთ არსებული სამართლებრივი მექანიზმი და გაასაჩივრონ კანონი.
საქართველოს პარლამენტმა ფარული საგამოძიებო ქმედებების შესახებ საკანონმდებლო პაკეტი 1 მარტს მიიღო. ფარული მოსმენების განსახორციელებლად სუს-ის დაქვემდებარებაში "ოპერატიულ-ტექნიკური სააგენტო" უკვე შეიქმნა.
