მამა გიორგი მამალაძის ადვოკატები დღეს პროკურატურას მიმართავენ. დაცვის მხარე დაკავებული დეკანოზის ოჯახის წევრებისთვის დაცვის მოხსნას მოითხოვს.
სწორედ დაცვის ღონისძიების გამო დაიხურა სასამართლო პროცესიც, თუმცა ამ ეტაპზე ადვოკატები უფრო მნიშვნელოვანად საქმის დეტალების გასაჯაროებას ასახელებენ.
მამა გიორგი მამალაძე უკვე მესამე დღეა შიმშილობს. დაკავებული დეკანოზი პატრიარქთან და სინოდის წევრებთან შეხვედრას ითხოვს. ადვოკატები იმედოვნებენ, რომ გიორგი მამალაძის შიმშილობაზე უარს იტყვის, რადგან მისი ჯანმრთელობა საფრთხის ქვეშაა.
„მამა გიორგის გადაწყვეტილება არის ძალიან კატეგორიული. მას სურს პატრიარქთან და სინოდის წევრებთან შეხვედრა,“-აცხადებს მიხეილ რამიშვილი.
