ამერიკის შეერთებული შტატების ელჩი საქართველოში, იან კელი რუსთავი 2-თან მიმდინარე პროცესებს ეხმიანება. მისი თქმით, მედია არის მნიშვნელოვანი, რომ მთავრობა იყოს პასუხისმგებლიანი
„ყველამ კარგად იცით, რომ მედია პლურალიზმის ძლიერი მხარდამჭერი ვარ. მეც მქონდა დაძაბულობა ჟურნალისტებთან, როდესაც სახელმწიფო დეპარტამენტში ვმუშაობდი. ძალიან ვნერვიულობდი, როდესაც მოდიოდნენ ბრიფინგზე და ცდილობდნენ გულახდილი ვყოფილიყავი. მაშინ დავაფასე, თუ რამდენად მნიშვნელოვანია მედია, რომ მთავრობა იყოს პასუხისმგებლიანი და რომ დემოკრატიამ იმუშაოს ხალხის ნების შესაბამისად ”, - განაცხადა იან კელიმ.