ახმეტის მუნიციპალიტეტის საკრებულოში ფრაქცია „ქართული ოცნება“ დაიშალა. ფრაქციის ერთ-ერთი წევრი, მამუკა ხოლეგაშვილი თავდაცვის სამინისტროში გადავიდა სამუშაოდ, რის შემდეგაც ფრაქციაში მხოლოდ 2 წევრი დარჩა.
ადგილობრივი თვითმმართველობის კოდექსის თანახმად კი, მუნიციპალიტეტის საკრებულოს ფრაქციაში სულ მცირე 3 წევრი უნდა იყოს გაერთიანებული. შესაბამისად ფრაქციის აღდგენა მხოლოდ ხოლეგაშვილის ჩანაცვლების შემდეგ გახდება შესაძლებელი.
დღესვე გავრცელდა ინფორმაცია ახმეტის საკრებულოს თავმჯდომარის თანამდებობიდან გადადგომის შესახებ. გელა ჯუგაშვილმა გადაწყვეტილება დეპუტატებს რიგგარეშე სხდომაზე აცნობა. რა გახდა მიზეზი, ის არ საუბრობს, მაგრამ ამბობს, რომ "ქართული ოცნების" წევრად რჩება.
ჯუგაშვილს ოპოზიცია რამდენჯერმე დაუპირისპირდა. საკრებულოს დეპუტატებმა მისი ინპიჩმენტის საკითხიც კი დააყენეს.
