სურსათის უვნებლობის საკითხებზე აჭარელ მწარმოებლებსა და რეგიონის სოფლის მეურნეობის სამინისტროს წარმომადგენლებს 3 დღიანი სემინარი ჩაუტარდათ. აჭარაში მოქმედ აგროსამრეწველო სექტორის წარმომადგენლებს ტრეინინგი ამერიკიდან ჩამოსულმა ექსპერტმა ჩაატარეს.
სემინარის მთავარ მიზანს, საწარმოში HACCP-ის სისტემის დანერგვა, გადამუშავებასთან დაკავშირებული რისკის შემცირება და მინიმუმამდე დაყვანა წარმოადგენდა. როგორც აჭარის სოფლის მეურნეობის სამინისტროში განმარტავენ, წარმოებაში HACCP-ის პრინციპების დანერგვა სურსათის მწარმოებელ კომპანიებს ადგილობრივ ბაზარზე კონკურენტულობის ამაღლებასა და საერთაშორისო ბაზარზე ადგილის დამკვიდრებაში ეხმარება.
ტრეინინგი საერთაშორისო ორგანიზაცია "CNFA - საქართველო"-ს პროგრამა „ფერმერი-ფერმერს" ფარგლებში განხორციელდა, რომელსაც ამერიკის შეერთებული შტატების საერთაშორისო განვითარების სააგენტო (USAID) აფინანსებდა.
