კომპანია „ბილაინის“ (შპს "მობიტელი") განცხადებით, ფარულ მოსმენა-მიყურადღებასთან დაკავშირებით პარლამენტში ინიცირებული კანონპროექტი დასახვეწია. ოპერატორი აღნიშნავს, რომ არცერთი ავტორიზებული პირი, რომლებსაც უშაულოდ შეეხებათ ასამოქმედებლი კანონპროექტი არ ყოფილან ჩართულები საკანონმდებლო პაკეტის შემუშავებაში.
„ბილაინს“ მიაჩნია რომ უნდა შეიქმნას სამუშაო ჯგუფი რომელიც დაკომპლექტდება ყველა დაინტერესებული მხარის წარმომადგენლით და მოხდება საკანონმდებლო ცვლილებებთან დაკავშირებული ყველა საკითხებზე საბოლოო პოზიციების შეჯერება-შეთანხმება .
„აღნიშნული საკანონმდებლო პაკეტი გულისხმობს ახალი რეგულაციების და ვალდებულებების შემოღებას ყველა ავტორიზებული პირებისთვის. საკანონმდებლო პაკეტი ითვალისიწნებს ახალი ორგანოს - სსიპ საქართველოს ოპერატიულ-ტექნიკური სააგენტოს შქმნას, რომელიც გვევლინება ავტორიზებული პირების დამატებით მარეგულირებელ ორგანოდ. კანონპროექტით სსიპ საქართველოს ოპერატიულ-ტექნიკური სააგენტოს ენიჭერბა უფლებამოსილება განახორციელოს ავტორიზებული პირების საქმინობის აუდიტი, დააკისროს მათ სანქცია, მოახდინოს დაკისრებული ჯარიმის იძულებითი აღსრულება და აგრეთვე გააუქმოს ავტორიზაცია, რაც გულისხმობს ამ სფეროში საქმიანობის უფლების ჩამორთმევას.
გამომდინარე იქიდან, რომ საქართველოს კომუნიკაციების ეროვნული კომისია, წარმოადგენს სახელმწიფოს მიერ განსაზღვრული სფეროს რეგულირების მიზნით შექმნილ, სპეციალური უფლებაუნარიანობის მქონე საჯარო სამართლის იურიდიულ პირს, რომელსაც არ ჰყავს სახელმწიფო მაკონტროლებელი ორგანო, კანონპროექტის აღნიშნული დანაწესი ეწინააღმდეგება ,ეროვნული მარეგულირებელი ორგანოების შესახებ“ საქართველოს კანონის მე-6 მუხლის პირველი პუნქტს, რომლის თანახმად, ეროვნული მარეგულირებელი ორგანო და კომისიის წევრი თავიანთი საქმიანობის ფარგლებში დამოუკიდებელი არიან და ემორჩილებიან მხოლოდ საქართველოს კანონმდებლობას. მხოლოდ ეროვნულ მარეგულირებელ ორგანოს აქვს უფლება, განახორციელოს სრული უფლებამოსილება იმ საკითხებზე, რომლებიც მისთვის დელეგირებულია შესაბამისი კანონით. ამავე მუხლის მე-2 პუნქტის თანახმად, ორმაგი, თანხვდენილი მარეგულირებელი უფლებამოსილება დაუშვებელია, ხოლო მე-3 პუნქტის შესაბამისად, ნებისმიერი პირის ცდა, განახორციელოს იურისდიქცია ეროვნული მარეგულირებელი ორგანოს უფლებამოსილების სფეროზე, უკანონოა, ხოლო შედეგებს არა აქვს იურიდიული ძალა.
კანონპროექტი ასევე ეწინააღმდეგება ევროკავშირთან ასოცირების ხელშეკრულებით საქართველოს მიერ ნაკისრი ვალდებულებებს, ევროპის პარლამენტისა და ევროპის საბჭოს დირექტივის (2009/140/Eჩ), 2002 წლის 7 მარტის 2002/21/Eჩ ჩარჩო დირექტივს, რომელებიც პირდაპირ ითვალიწინებენ მარეგულირებელი ორგანოების ფუნქციონირების ძირითად პრინციპებს, რაც ძირითადად უნდა გამოიხატებოდეს მარეგულირებელი ორგანოების დამოუკიდებლობაში როგორც სახელმწიფო ორგანოების, ასევე მათ მიერ რეგულირებად ბაზარზე მოქმედი სუბიექტებისგან.
კანონპროექტით გათვალისწინებული სააგენტოს მიერ ახალი რეგულაციების და ვალდებულებების შემოღება ავტორიზებული პირებისთვის გამოიწვევს წინასწარ დაუდგენელი და გაუთვალისწინებელი მოცულობით ხარჯების გაზრდას. რაც თავისთავად ჰპოვებს ასახვას, როგორც ბიზნეს სექტორის, ისე საქართველოს მოსახლეობის ბიუჯეტზეც.
საკანონმდებლო პაკეტი აგრეთვე არ ითვალისიწნებს , თუ რის მიხედვით შეიმუშავებს სააგენტო ავტორიზებული პირებისთვის რეგულაციებს, შესაბამისად არ არსებობს იმის გარანტია რომ არ მოხდება, რომელიმე ავტორიზებული პირისთვის უფრო ხელსაყრელი პირობების გათვალისწინება შესაბამის რეგულაციებში, შესაბამისად აღნიშნული განმოიწვევს დისკრიმინაციასა და არათანაბარ დამოკიდებულებას ამ სფეროში მომუშავე პირების მიმართ.
კანონპროექტით სააგენტოს უფლებამოსილება ენიჭება ავტორიზებული პირის მფლობელობაში არსებულ სასადგურე და ქსელურ ინფრასტრუქტურაზე უსასყიდლოდ განათავსოს, დაამონტაჟოს აპარატურა და პროგრამული უზრუნველყოფის საშუალებები, როგორც კომუნიკაციის რეალურ დროში მიწოდების, ასევე გეოლოკაციის ავტომატურ რეჟიმში იდენტიფიცირების უზრუნველსაყოფად. აღნიშნულთან დაკავშირებით მიგვაჩნია, რომ ავტორიზებულ პირს არ უნდა მოეთხოვოს დამატებითი აპარატურის თუ პროგრამული უზრუნველყოფის განთავსება საკუთარ ინფრასტრუქტურაზე, თავისი ხარჯებით. კანონპროექტი არც იმას ითვალისწინებს, რომ განთავსებული აპარატურა და პროგრამული უზრუნველყოფა უნდა იყოს თავსებადი იმ ოპერატიულ გარემოსთან, სადაც ხდება მისი ინტეგრირება და ფუნქციონირება. შესაბამისად, სააგენტოს იმპერატიული მოთხოვნა ამგვარ განთავსებაზე სრულიად მიუღებელია და ის საფრთხეს უქმნის ავტორიზებული პირის არსებული საკომუნიკაციო ინფრასტრუქტურის უსაფრთხოებას.
ახალი რეგულაციების შემოღების შემთხვევაში დახვეწას საჭიროებს ავტორიზებული პირის სხვა რიგი ვალდებულებები, რომლებიც უნდა გაიწეროს მაქსმიალურად დეტალურად, რათა თავიდან აცილებულ იქნას მომავალში მათი სხვადასხვა სახით ინტერპრეტაცია“, აღნიშნულია „ბილაინის“ განცხადებაში.
