რუმინეთში საპროტესტო აქციები გრძელდება. ამჯერად ბუქარესტის ცენტრალურ მოედანზე ხელისუფლების გეგმების გასაპროტესტებლად 250 ათასამდე ადამიანი გამოვიდა. აქციის მონაწილეები პროტესტს სახელისუფლო ინიციატივას უცხადებენ, რომლის მიხედვითაც პატიმრობიდან კორუფციაში ბრალდებული ყოფილი მაღალჩინოსნებიც უნდა გაატავისუფლონ. ამნისტია იმ პირებზე გავრცელდება, რომლებსაც სახელმწიფოსთვის 47,5 ათას დოლარზე მეტი ზარაი არ მიუყენებიათ. ხელისუფლება სკანდალურ ინიციატივას ციხეების გადატვირთვით ხსნის.
