გადახდის სისტემის გაუმჯობესების მიზნით, ბათუმში, მუნიციპალურ ტრანსპორტში ელექტრო საბილეთო სისტემა იცვლება.
ახალი სისტემის შესაბამისად, მგზავრობის საფასურის გადახდა შესაძლებელი იქნება სპეციალური სატრანსპორტო და „საქართველოს ბანკის“ პლასტიკური ბარათებით,“ ლიბერთი ბანკის“ პლასტიკური ბარათების ნაცვლად.
არსებული სისტემისგან განსხვავებით, თანხის შეტანა ახალ ბარათზე ავტომატურად აისახება. მოსწავლეებმა და სტუდენტებმა STUDENT და SCOOL CARD-ის მისაღებად უნდა მიმართონ საქართველოს ბანკის ბათუმის სერვის ცენტრებს, შემდეგ მისამართზე:
1 მემედ აბაშიძის #58
2 ზუბალაშვილის #18
3 ნინოშვილის #11 (სასტუმრო ,,ინტურისტ პალასი“)
4 ბათუმის აეროპორტი
5 აღმაშენებლის #21
6 ხიმშიაშვილის ქ. (სასტუმრო ,,მარინა")
7 მემედ აბაშიძის 58ბ
8 მაიაკოვსკის #23
9 რუსთაველის #28 (სასტუმრო ,,შერატონ ბათუმი")
10 ხიმშიაშვილის ქ. იუსტიციის სახლი
11 რუსთაველის #40 (სასტუმრო ჰილტონი")
12 ლუკა ასათიანის #10
13 ნინოშვილის #1 (სასტუმრო ,,რადისონ ბლუ")
სტანდარტული და სხვა შეღავათებით მოსარგებლე კატეგორიებმა უნდა მიმართონ მეტრო სერვისის სერვის ცენტრს შემდეგ მისამართზე: ქ. ბათუმი, გორგასალის ქ. #55.
ყველა მუნიციპალური ავტობუსის ასასვლელში უკვე დამონტაჟებულია ბარათის ახალი ვალიდატორი. მგზავრობის საფასურის გადახდა წამკითხველთან ბარათის მიტანის გზით ხდება. დადებითი ბალანსის შემთხვევაში ჩნდება შეტყობინება გადახდილი ტარიფისა და დარჩენილი ბალანსის შესახებ, რა დროსაც ეკრანი გამწვანებულია, ხოლო უარყოფითი ბალანსის შემთხვევაში ეკრანი წითლდება. გადახდა შესაძლებელია საქართველოს ბანკის ყველა უკონტაქტო ბარათით, რომელსაც გააჩნია სატრანსპორტო ფუნქცია (mastercard, solo, visa electron, army და სხვა) ასევე metromoney-ს საშუალებით.
კატეგორიულად დაუშვებელია ნულოვანი ან შეღავათიანი ტარიფის უფლებით მოსარგებლე მგზავრების მიერ საკუთარი ბარათის სხვა პირზე გადაცემა. ასეთ შემთხვევაში მგზავრი ჯარიმდება უბილეთო მგზავრობისთვის.
ახალი ბარათების პარალელურად, შეზღუდული დროით იმუშავებს ლიბერთი ბანკის გადახდის ტერმინალიც.
