თურქეთის კულტურისა და ტურიზმის მინისტრი ნაბი ავჯი უარყოფს ინფორმაცია, თითქოს სტამბოლის ერთ-ერთი ტურისტული ღისშესანიშნაობის - ტოპკაპის სასახლის ფუნდამენტი არასაიმედო გახდა.
„დაუსაბუთებელი ინფორმაციის ავტორები აცხადებდნენ, რომ ბოსფორის სრუტეში, „მარმარაისა“ და „ევრაზიის“ წყალქვეშა გვირაბების მშენებლობა, ტოპკაპის სასახლის ფუნდამენტის ჩამოშლის მიზეზი გახდა. ეს ასე არ არის. ექსპერტებისა და მეცნიერების კველევები ასეთ ფაქტს არ ადასტურებს“, აცხადებს მინისტრი.
ავჯის განმარტებით, ამ დროისათვის სეისმოლოგიური კვლევები მიმდინარეობს, რათა გამოვლინეს რა კავშირია გვირაბების მშენებლობასა და სასახლის ფუნდამენტის ჩამამოშლას შორის.
ამის შემდგომ კი მიღებული იქნება შესაბამისი ზომები და სტამბოლში მიმდინარე სარეაბილიტაციო სამუშაოებში მოხდება კორექტივების შეტანა.
აღსანიშნავია, რომ პირველი ტრაგიკული ფაქტი 2016 წლის აპრილში დაფიქსირდა, როდესაც გიულხენის პარკში, ტოპკაპის კედლის მახლობლად, კაფის ტერასა ჩამოინგრა. ინციდენტის შედეგად დაიღუპა ორი, ხოლო დაშავდა ხუთი ადამიანი.
გასული წლის 29 სექტემბერს კი ტოპკაპის სასახლის ეზოში მიწის გრუნტი 3 მეტრის სიღრმეზე ჩაინგრა. ინციდენტის შედეგად არავინ დაშავებულა.
2017 წლის 13 იანვარს სასახლის კედლის ნაწილი ჩამოიშალა, რომლის შედეგადაც ერთი მიკროავტობუსი დაზიანდა.
