პროკრედიტ ბანკი 2016 წლის შედეგებს აჯამებს. 27 იანვარს, 11 საათზე. ბანკის სათავო ოფისში პრესკონფერენციას გამარტავს, სადაც ბანკის მენეჯმენტი ჯგუფის ბიზნეს სტრატეგიას, წლის შედეგებს შეაჯამებს და სამომავლო გეგმებსაც დაანონსებს.                     

ბანკის ინფორმაციით, პრესკონფერენციას წარუძღვებიან  პროკრედიტ ჰოლდინგის სამეთვალყურეო საბჭოს თავმჯდომარე კლაუს პიტერ ცაიტინგერი, პროკრედიტ ბანკი საქართველოს სამეთვალყურეო საბჭოს თავმჯდომარე ილირ ალიუ და პროკრედიტ ბანკი საქართველოს მენეჯმენტი - ქეთევან ხუსკივაძე და ნათია თხილაიშვილი

ბანკის მენეჯმენტი ისაუბრებს ასევე ბანკის სტრატეგიის ცვლილებაზე კლიენტთა სეგმენტაციის კუთხით (პროკრედიტ ბანკი სრულად გამოვიდა მიკრო სეგმენტიდან და 2016 წლის ბოლოს გაყიდა არაპროფილური კლიენტების დარჩენილი პორტფელი, რომელმაც ჯამში მთლიანი საკრედიტო პორტფელის 12% შეადგინა).

აღსანიშნავია, რომ პროკრედიტ ბანკისთვის მთავარ სამიზნე ჯგუფად მცირე და საშუალო ბიზნესი ისევ  რჩება.

2016 წლის დეკემბერში პროკრედიტ ჰოლდინგმა წარმატებით მოიპოვა ფრანკფურტის საფონდო ბირჯაზე თავისი მთლიანი სააქციო კაპიტალის ვაჭრობის ნებართვა და დღეის მდგომარეობით, შესულია ბირჟის პრაიმ ლისტინგში