საუდის არაბეთის ენერგეტიკის მინისტრის ხალიდ ალ-ფალიხის განცხადებით, მსოფლიო სანავთობო სექტორში შემცირებული ინვესტიციების შენარჩუნების პირობებში მსოფლიო მალე დადგება ნავთობის მიწოდების უკმარისობის წინაშე.
"ჩვენ უკვე დავრწმუნდით, რომ მიმდინარე ფასები არ იზიდავენ საკმარისი ოდენობის ინვესტიციებს. აქ გათვალისწინებულ უნდა იქნეს ასევე ამოწურცის დონე, ბუნებრივი ამოწურვის, ნავთობის მოქმედ საბადოებზე მოპოვება. ამასთან, ნავთობზე ყოველწლიური მოთხოვნილება უზრდება საშუალოდ 1,2-1,5 მლნ ბარელით/დღე-ღამეში.
მოთხოვნილების ზრდისა და მოქმედი პროექტების ბუნებრივი ამოწურვის გათვალისწინებით ჩვენ დაგვჭირდება ყოველ წელს მილიონობით ახალი ბარელი ნავთობი, რისთვისაც საჭირო იქნება ფართო ინვესტიციები. ნავთობზე დაბალი ფასების შენარჩუნების შემთხვევაში ამის გაკეთება შეუძლებელი იქნება.
ჩემი აზრით, ჩვენ გავაგრძელებთ მუშაობას ნავთობის სხვა მწარმოებლებთან, მათ შორის დამოუკიდებლებთან, იმისათვის, რომ მოხდეს სანავთობო ბაზარზე მიწოდების დაბალანსება.
მთლიანობაში, ჩემი აზრით, სანავთობო სექტორში ბოლო რამოდენიმე წლის მანძილზე არსებული ინვესტიციების ოდენობა 2-3 წლის განმავლობაშიც შენარჩუნდება. თუ სიტუაცია ზუსტად ასე განვითარდება, ჩვენ დავდგებით ნავთობის მიწოდების ნაკლებობის წინაშე 2020 წლისთვის".
