თურქული ჩაის მწარმოებელი სახელმწიფო კომპანია ÇAYKUR-ი ლიბანის ბაზარზე უკვე შევიდა. ÇAYKUR-მა შესაბამისი ხელშეკრულება ლიბანურ Rachidi Group-თან უკვე გააფორმა.
როგორც ცნობილია Rachidi Group-ი 1940 წლიდან კვების პროდუქტების საბითუმო მიწოდებას წარმატებით აწარმოებს და ცხადია ასეთი დიდი ისტორიის მქონე კომპანიასთან ÇAYKUR-ის თანამშრომლობა მნიშვნელოვანია.
Rachidi Group-ი თურქული ჩაით ლიბანური სუპერმარკეტებისა და მაღაზიების ქსელს მოამარაგებს. როგორც ÇAYKUR-ში აცხადებენ, კომპანია აქტიურად აგრძელებს მუშაობას თურქული ჩაის საექსპორტო არეალის გაფართოებისთვის. უნდა აღინიშნოს, რომ დღეისათვის თურქული ჩაი მსოფლიოს 88 ქვეყანაშია წარმოდგენილი.
