„გაზპრომთან“ მიღწეული შეთანხმების გასაჯაროვებას ,,პატრიოტთა ალიანსიც“ მოითხოვს. დღეს გამართულ პრესკონფერენციაზე პარტიის ლიდერებმა, დავით თარხან-მოურავმა და ირმა ინაშვილმა განაცხადეს, რომ ყველა ვარიანტში, საქართველოს მიერ მიღწეული შეთანხმება წამგებიანია.
,,,უნდა გვესმოდეს, რომ ხელისუფლება არ არის მარტივ მდგომარეობაში, თუ უარს იტყვის გაზის გატარებაზე, მოძმე სომხეთი დაგვადანაშაულებს ბლოკადაში, მაგრამ მოლაპარაკება, რომელიც ხელისუფლებამ აწარმოა, არ იყო სასარგებლო ქვეყნისთვის. არ იყო ხარისხიანად წარმოებული. ყველაფერი ეს გატარდა საიდუმლოდ. რომ არ ყოფილიყო საიდუმლოება, ამდენი ეჭვი არ იქნებოდა. მოვუწოდებთ ხელისუფლებას, გონივრულ ვადაში გახადოს საჯარო ეს ინფორმაცია", - განაცხადა დავით თარხან-მოურავმა.
რაც შეეხება საპარლამენტო უმცირესობის მოთხოვნას, დებატების გამართვის შესახებ, ირმა ინაშვილის განცხადებით, დებატები ვერ შედგება.
"დებატები უნდა შედგეს კომპეტენტურ თანამდებობის პირებთან. მათთან, რომლებსაც აქვთ ინფორმაცია - ამ შემთხვევაში ენერგეტიკის სამინისტროსთან. უმრავლესობა და უმცირესობა გაზის თემასთან დაკავშირებით დებატს ვერ გამართავს", - განაცხადა ირმა ინაშვილმა.
