ბათუმსა და სამსუნს შორის საბორნე რეისების რაოდენობის ზრდა იგეგმება. სარფის საბაჟო-გამშვებ პუნქტზე, თურქეთის მხარეს, მიმდინარე სარემონტო სამუშაოების გამო გამოწვეული შეფერხებების დროს, საბორნე რეისებით ტრაილერების და მგზავრების გადაყვანა დიდ მნიშვნელობას იძენს.
ამჟამად ბათუმი-სამსუნი საბორნე რეისი კვირაში ერთხელ სრულდება. ხომალდი ბათუმის პორტიდან 24 საათზე გადის და მას, მგზავრებთან ერთად 95 ტრაილერის გადაყვანა შეუძლია. ბორნით 1 ტრაილერის გადაყვანის ხარჯი 450 დოლარია, რომელშიც მგზავრობის ტარიფი და კვება შედის. ბორანი ბათუმიდან სამსუნში ჩასვლას 12 საათს ანდომებს, რაც გადამიზდავებს დროს უზოგავს.
საბორნე რეისების სიხშირეების ზრდაზე აჭარის სავაჭრო-სამრეწველო პალატის თავმჯდომარე თამაზ შავაძე და თავმჯდომრის მოადგილე, აჭარის ტრანსპორტის, ლოჯისტიკის და გადამზიდველთა ასოციაციის თავმჯდომარე თამაზ თურმანიძე კომპანია Inchcape Shipping Services-ის წარმომადგენლებს უკვე შეხვდნენ.
აჭარის სავაჭრო-სამრეწველო პალატაში განმარტავენ, რომ მომავალში ბათუმსა და სამსუნს შორის საბორნე რეისების კვირაში 3 რეისამდე გაიზრდება.
