დედაქალაქის ყოფილი მერი გიგი უგულავა აცხადებს, რომ
ვანო მერაბიშვილის პოზიცია პარტიაში მიმდინარე პროცესებთან დაკავშირებით მისთვის უცნობია.
„ვანო მერაბიშვილი არის პოლიტპატიმარი, ის არის ჩემი მეგობარი, თანამებრძოლი, ის თვითონ დააფიქსირებს თავის პოზიციას, არ გქონდეთ წარმოდგენა, რომ ციხეში რაიმე კომუნიკაცია გვქონდა. როგორც თქვენ არ გინახავთ, ისე არ მინახავს მეც. მის პოზიციაზე მე ვერ ვისაუბრებ“, - განუცხადა უგულავამ ჟურნალისტებს.
რაც შეეხება ,,ნაციონალურ მოძრაობაში“ დარჩენილ წევრებს, გოკა გაბაშვილმა განაცხადა, რომ ვანო მერაბიშვილს მათ გუნდში ელიან.
