პრეზიდენტის საპარლამენტო მდივანი ანა დოლიძე აცხადებს, რომ პრეზიდენტის წლიური ანგარიში პარლამენტში, ასახავს ყველა იმ მნიშვნელოვან თემას, რომელიც ქართველ ხალხს ადარდებს. მისივე თქმით,
გიორგი მარგველაშვილის გამოსვლასთან დაკავშირებით ჯერ პარლამენტთან კონსულტაციები არ დაწყებულა.
,,როგორც კი გვექნება ამასთან დაკავშირებით განვითარება, საზოგადოება ამას დროზე გაიგებს. ბუნებრივია, საკითხები ასახავს ყველა იმ მნიშვნელოვან თემას, რომელიც ქართველ ხალხს ადარდებს. კონკრეტულად ეს რაში გამოიხატება, დღეს ვერ გეტყვით“, - განაცხადა ანა დოლიძემ.
ქვეყნის მდგომარეობის უმნიშვნელოვანეს საკითხებთან დაკავშირებით, წელიწადში ერთხელ, პრეზიდენტის პარლამენტის წინაშე გამოსვლას საქართველოს კონსტიტუცია ითვალისწინებს. პარლამენტის რეგლამენტის მიხედვით, პრეზიდენტის გამოსვლა საგაზაფხულო სესიის პლენარული სხდომების პირველ დღეს ხდება.
საგაზაფხულო სესია თებერვლის პირველ სამშაბათს იხსნება.
