2016 წელს საქართველოს აეროპორტების მეშვეობით 129%-ით მეტი ტვირთი გადაიზიდა. როგორც სამოქალაქო ავიაციის სააგენტოს მიერ გამოქვეყნებულ სტატისტიკურ მონაცემებშია აღნიშნული, 2016 წელს თბილისის საერთაშორისო აეროპორტის საშუალებით 34 ათას 65,259 ტონა ტვირთი გადაიზიდა. 2015 წელს კი ეს მაჩვენებელი მხოლოდ 14 ათას 885,068 ტონა იყო. შესაბამისად ზრდამ 128,86%-ი შეადგინა.
2014 წელს თბილისის საერთაშორისო აეროპორტის გავლით 16 ათას 902,142 ტონა ტვირთი გადაიზიდა, რაც იმას ნიშნავს, რომ 2014 წლის მონაცემთან 2016 წლის მონაცემები 102%-ითაა გაზრდილი.
აღსანიშნავია, რომ ქვეყნის მასშტაბით ტვირთების გატარება მხოლოდ თბილისის საერთაშორისო აეროპორტის გავლით ხდება.
